WANJIRU WA CHEGE KURUMWO IRUMI NDURU

WANJIRU WA CHEGE HINDI YA KIGOMANO KIA ATUMIA MUKAWA-INI WA FORT HALL KENOL

MWONJORIA THOKO-INI YA MARIGITI WA-MERCY AKIHEYANA MAWONI MAKE KIGOMANO-INI KIU

Dithemba-8 Atumia ni moritio makorwo makinyita mbaru aru nao aria mari na matanya makuhuranira iturwa cia kiuteti thiini wa bururi. Ritana riri riikitio ni murugamiriri wa atumia thiini wa county ya Murang’a Sabina Wanjiru wa Chege

na uria uritie atumia gutiga kuigwa uiru riria umwe wao arahunanira iturwa cia kiuteti akiuga ni mabatie kunyitana mbaru kwona nio mari na kura iria nyingi.

Akiaria na Atumia ari mukawa-ini wa Fort Hall mwena wa Kenol Wanjiru wa chege ni augiite ati we ari ta mutumia ni akorirwo akigerera maingi thutha wake gucagurwo ta Women Representative wa Murang’a kuria akorirwo agicambio ati ni akorirwo agikoma na thuri itanga thiini wa county oro undu umwe na bururi niguo kwigwatira giturwa kiu undu uria areganiite naguo akiuga acagurirwo kuumana na ucamba wake.

Akiaria hindi ya kigomano kiu muikariri giti wa kiama kia Maendeleo ya Wanawake Jacintah wa Ng’ang’a augiite nimakoragwo na uritu munene riria marahuranira itura ici kwona nimakoragwo makirumwo na kunyururio ni arume oro undu umwe na anake aria mabatie kumeeta aciari undu uria utumaga macokie muting’oe rungu rwa maguru.

Kahinda-ini okau WaChege ni oririe ichigo cia umbunge mbunge-ini ya bururi cikorwo cigicerehurwo nginyagia 210 ta uria kwari hau kabere na kuria o githurano kurekoragwo na ichigo 70 iria ibatie gukorwo cirugamiriirwo ni atumia imwe kwa imwe ari ta njira ya kuhurana na uhuthiri munene wa mbeca cia muingi na kuriha macaara ya amemba aria acagure.