HITHAI URUU WANYU GOVERNOR MWANGI WA IRIA KWIRA CIUMIRI MAKIRIA MA 2,000

Governor Wa Iria agitaara Ciumiri thukuru-ini wa Karanga Secondary kuria imwana 180 ciraruire

Peter Karanja umwe wa Ciumiri akiamukira catibikiite yake ya Rika Ria Iria kuuma kuri Governor

Governor wa county ya Murang’a Mwangi wa Iria ni oritie ciumiri makiria ma 2,000  na iria ciraruire na rika ria Iria na riria riragimarire rungu rwa mutaratara wa

thirikari yake kugimara ki mutugo no ti mwiri. Akiaria na gikundi kia makiria ma irui 180 thukuru-ini wa secondary wa Kiranga mwena wa Kandara Wa Iria ni augiite mutaratara uyu wambikitwo niguo guteithirira ciana cia athiini na aria matangiona mbeca cia kurugamirira ngarama ya kugimaria ciana ciao. Kahinda-ini okau Wa iria ni augiite mutaratara uyu ni ukugiririia anake kuumana na mataaro matari makinyaniru na maria makoragwo makiamukira kuuma kuri nyanake nakuu machagi-ini riria maruira ciumbu kuria makoragwo makirutwo unyui wa thigara, njohi na ndawa ingi cia uriu. Oho Anake aya nimoritio methemane na mataro maria makoragwo makimoria makorwo makigiria mbiro riria maumira ta uria muciari umwe na uria urakurikana ta Stephen Nyoike wa Kimani atariirie. Akiaria na metha ya mohoro ya KK Online News Nyoike wa Kimani augiite mutaratara uyu ni uramuhonokirie kuuma kuri gichonoko kia itura kwona kimwana giake kirerekeire gutira kunyua rwenji kimera giki ni wagi wa mbeca.