COUNTY COMMISSIONERS 3 KWA IHINDA RIA CIUMIA 2 MURANG'A

Evans Achoki niwe County Commisiioner mweru wa County ya Muranga, Achoki aiyukiitie giturwa kiria kiraikariirwo ni Mohammed Birrik na uria utananina ciumia igiri ari ta CC county-ino. Kuringana na ndumiriri iria irekereirio ni mwandiki mukaru ministry-ini ya ugitiri wa thiini wa bururi Dr. Karanja Kibicho augiite thirikari itacukiitie ikinya riri niguo gwetha wagiriru hari muingi wa County ya Murang’a na kuria oritie muingi wa county-ino ukorwo ukiyukia abithaa uyu mweru kwona atumiitwo ni gutungatira muingi hatari muthutukanio.

Mogaruruku maya mokiite thutha wa uria wari County Commissioner Mutumia ti Kula Hache guthamirio county-ini ya Kisii thutha wa muingi kunegena na kumworota ukiuga ni aracungiite wira-ini wake na muno makiria mbaara-ini ya kurua na njohi cia ibango county-ini ino.

MUTONGORIA WA BURURI GUCEMANIA NA RAILA ODINGA STATE HOUSE

UHURU MAKINGUNGURANA NA RAILA THINGIRA-INI WA IREGI

Thutha wa ndugamano gukorwo igumiire thiriakri na mwena wa mungethaniro guku bururi-ini riu urugari wa kiuteti ni utanyitwo guthii thi thutha wa mutongoria wa bururi Uhuru Kenyatta na munini wake William Ruto gutabania giikaro na atongoria a mwena wa mungethaniiro Raila odinga na muru nawe Moses Wetangula thingira-ini wa iregi.

Mutongoria wa bururi acemanirie na angethanira aya na kuriyaniraranji iria na kuria thutha ucio macokiire magia na kamucemanio kanini.

MUWASCO KURUGURIA MUTAMBO MWERU WA GUTHOMA METER CIA MAI

 

MURUGAMIRIRI MUNENE WA MUWASCO ENG. NG'ANG'A MARI NA COMMERCIAL MANAGER MR. MAINA HINDI YA KURUGURIA MUTAMBO WA SMART METER READING

Kambuni ya motungata ma mai Murang’a ya MUWASCO ni iruguriitie mutambo mweru wa guthoma mita cia mai niguo gutigirira ahuthiri a mai thiini wa Murang’a ni mamukira motungata makinyaniire. Kuringana na murugamiriri munene wa kambuni ino Eng. Daniel Nga’ng’a augiite mutambo uyu na uria urahuthira thimu na njira ya gutuma ndumiriri nini niyo sms niguteithiriria ahuthiri a mai gutuma na kuria ciuria cigiii mihuthirire ya mai na marihi na kwamukira macokio hauhau. Oho mutambo uyu ni ukuhotithia andu gutambura aruti wira a kambuni-ino niguo gwithemana na turia nime turia tukoretwo tugiitua aruti wira a kambuni-ino na muthia-ini gucoka kuiya metres cia mai. Niguo kwamukira utungata uyu urabatara gutuma ritwa MUWASCO riumiitwo thutha ni Account yaku ya mai niguo kumenya bill yako ni mbeca ciigana kuri 20880 kana ukienda kumenya

CORD KURIO GWIKINYIA MBERE YA MBUNGE YA BURURI KUHEYANA MATETA MAO MEGII IEBC

MUMBUNGE WA KIGUMO AKIARIRA MUINGI PLOTI-INI CIA ICHAGAKI MARAGUA

Mumbunge wa Kigumo Jamleck Kamau ni oritie atongoria a ngwataniro ya CORD matware mateta mao megii kamiti ya kuramata ithurano na mihaka IEBC kuri mbunge ya bururi. Akiaria ari kanitha-ini wa ACC & S Gikomora mwena wa Maragua Jamleck augiite ni undu wa thoni kwona atongoria aya makoretwo magitongoria mirurungano ya guthengia macommissioners a IEBC wabici akiuga ngwataniro ya CORD irehithania na IEBC niguo guthegeya mwanya uria makahuthira kuumba thirikari ya ngwataniro mwaka-ini twerekeire wa 2017. Jamu athiite na mbere na kuria borithi kuhuthira ngethi ya kuuta maithori iria nduru na iri na biribiri kunyagania arurungani a CORD wona maumira bara muthi wa ruciu.

THIBITARI YA MARAGUA GUTHONDEKA MURIMU WA CANCER

DR. S K NGIGI WA THIBITARI YA RURAL MARAGUA ARI WABICI GWAKE

Thengia ya miriire na miikaririre ya kiriu, Mitugo ya andu anini kwonana ki mwiri ni gitumi kimwe kiria gikoretwo gigitheremia murimu wa cancer ya nyungu ya mwana kuri atumia. Uu ni kuringana na ndagitari munene thibitari-ini ya Maragua Rural Dr. S.K Ngigi na uria ugiite murimu uyu ni ukoretwo wambatiire kwona hari andu 6 aria athinjaga o muthenya 3 ao makoragwo mari na murimu uyu. Oho Dr. Ngigi ni oriitie andu metikire gukorwo magithimwo murimu wa cancer onari rimwe o mwaka kwona murimu uyu ni uhonagwo ungimenyeka tene.

GICHAGI KIA MJINI MURANG'A KUGUNIKA NA CIORO CIA MBOMBO

MURUGAMIRIRI MUNENE WA KAMBUNI YA MUWASCO  ENG. DANIEL NG'ANG'A AKINYABARA WAKI WA CIORO CIA MBOMBO GICHAGI-INI KIA MJINI MURANG'A.

Itemi-ini ria kugacirithia miikariire na ugima wa mwiri wa muingi uria uikaraga gichagi-ini kia Mjini town-ini ya Murang’a, kambuni ya motungata ma mai ya MUWASCO ni yakiire aikari a gichagi giki cioro makiria ma 200. Kuringana na murugamiriri munene wa kambuni-ino Eng. Daniel Ng’ang’a riria aranyabaraga waki wa cioro ici augiite matabanitie mubango uyu na uria urahuthirire muigana wa ciringi 6 million  niguo guteithiriria aikari a gichagi giki na aria maturaga miturire ya ukia kwona ni kihooto kiao gukorwo makiamukira motungata ma ikiro cia utheru oro undu umwe na mai matheru ma kunyua. Kambuni ya MUWASCO irakorirwo ikihe ene nyumba cia guikara na aria makiite cioro ici muigana wa ciringi 20,000 o kioro na kuria marathengeirio marihi ma kunyitithania cioro ici na mitherebi ya giko.

COUNTY YA MURANG'A KURUGURIA MUBANGO WA KUHE LUNCH CIANA CIA NATHARI

GOVERNOR WAIRIA AKIGAIRIA CIANA CIA NATHARI YA MARAGI IRIO CIA MIARAHO MARI NA MINISTER WA GITHOMO GERISHON NYAGIA

Governor wa county ya Muranga Mwangi wa Iria ni aruguriitie mutaratara wa githomo gia nathari gitari na marihi. Akiaria hindi ya kuruguria mutaratara uyu kuria ni hamwe ni nginyagia kuhe irio ciana cia nathari thukuru-ini wa nathari wa Maragi, governor wa Iria augiite thirikari yake ni ihariirie gutigirira githomo thiini wa county ya Murang’a ni kiambatira. Mubango uyu ukuguna ciana 25,000 thiini wa nathari 650 na kuria urihuthagira ciringi 11 million o mweri.