MUWASCO GUTUGA MUNYUI WA MAI

Mumbunge wa Kiharu Irungu Kang'ata akiheyana Petition ya aikari a Murang'a handu-ini ha Boniface Chege kuri Speaker wa mbunge ya county Nduati Kariuki

Ngari njeru iria Boniface Chege aratwarithia thutha wa kunina ciira igoti-ini

Thutha wa muingi wa town ya Murang’a kurira na kunegegena iguru rigii kwongererwo gwa thogora wa mai ni kambuni ya motungata maya ya MUWASCO, riu nigukurikaniite ati kambuni ino ni yakorirwo ikigurira ngari

 umwe wa anyui a mai na uria wahuhire biringi iguru rigii nyongerera ya mathogora ma mai niwe Boniface Chege. Chege akorirwo akiamukira ngari njeru hindi ya mucemanio wa directors a kambuni ino na uria wathiitwo mwena wa Mombatha ari ta ihaki niguo akorwo agiitikira kunina ciira uria andikithiitie igoti-ini oro undu umwe na petition iria atwariite thiini wa mbunge ya county ya Murang’a akiendekithia MUWASCO ikorwo ikiguithia mathogora maya. Agiitetera Chege augiite akorirwo akinina ciira uyu undu uria urakariitie muingi wa Murang’a kwona ni akorirwo akiamukira ndumiriri cia kumuyoyohia na kumuhe mukana kuuma kuri namba atoi mwene, cikimwira agaa kunina ciira ucio muturire wake na wa mutumia na ciana uri ugwati-ini ona gutuika ndakorirwo akiandikithia ndumiriri na maabithaa a borithi undu uria utumiite aikari a Murang’a mekire ucuke ndumiriri iyo.

Gukinyiria riu kihonia kia ndugamano gatagati ka MUWASCO na muingi wa Murang’a gitiri kironekana ona thengia wa Governor Mwangi wa Iria gwitia mucemanio na Board iria iramataga kambuni ino ya MUWASCO.