MBEU NJITHI KUUMA MWENA WA KAHURO, MURANG'A KUMENERERIA WATHANI WA MATURA

Mbeu njithi kuuma mwena wa Kahuro ni moritie aciari makorwo makimahe kiria kiri kiao na matige kumaikariria. Ritana riri riikitio ni

mutongoria wa mbeu njithi kuuma mwena wa Kahuro Stephen Kuria na uria uritie aciari makorwo makimagaira ngundu ciao na niguo mahote gutwarithia muturire wao na mbere. Kuria ni orotete aciari aria maregaga kugaira ciana ciao mugunda wa kurima ona thengia wao kuhikania kuria augiite ati atumia ao makoragwo makiruta wira muritu wa gutua kahua no maumirira maithe mao nio makoragwo makigunika na wira wa moko mao kwona nio makoragwo makigira mbeca thiini wa ithii wona kimera giathira.

Kahinda-ini okau mbeu njithi aya ni mamenereirie wathani wa matura makiuga ni makoragwo makimanyarira na kumarituhiria miturire riria magerie gwetha uteithio thiini wa honge citiganiite cia thirikari kuria ni hamwe na Uwezo Fund. Oho anake aya nimorotete chifu wa Kahuro Mathew Miano ni kiria maugiite ati wira wake ukoragwo ari kumenderia njohi ithenya-ini ria kurua nayo.