CIRINGI 340 MILLION CIA THIRIKARI YA COUNTY YA MURANG'A KUINGIRA MIHUKO YA ARUME

Senator wa county ya Muranga na uria nowe munini wa speaker wa mbunge ya senate Kembi Gitura niaruguritie weru mbaara ya ungumania thiini wa thirikari ya county ya Muranga,

kuria augiite no nginyagia muingi wa Murang’a utaririo uria ciringi 28.9 M ciahuthirirwo thiini wa tabarira iria ikurikanaga ta Shillingi Kwa Shillingi.

Senator Kembi augiite niarikitie kwandikira kamiti ya mbunge ya senate igii mathabu ma muingi na iria itongoragio ni Senator Bonny Khalwale ikorwo igithuthuria ngukumio ya kigina giki kwona tabarira ya Shillingi Kwa Shillingi ni ya andu kiumbe na ndiabatie kuhuthira mbeca cia muingi wa Murang’a. Kembi erumiite kiini na kuuga no nginyagia mbeca ici 28.9 M cicokerio thirikari ya Murang’a.

Oho Kembi ni ahuhiite biringi iguru rigii mugunda wa 34 acres na iria ciagurirwo na muigana wa ciringi 340 M mwena wa Makuyu undu uria augiite thogora ucio ni wakorirwo ukiambatirio na njira itari nginyaniru kwona migunda mwena ucio ndikinyiitie ciringi 10 M o acre. Gukiri uguo Kembi nioritie kamiti ya kuhurana na ngukumio guku bururi-ini EACC ithuthurie ungumania uyu.

Kembi aritiee uu ari kanitha-ini wa catholic miceni ya Gaturi gichigo-ini kia umbunge gia Kiharu kuria augiite maya moothe ni mahitia maria governor Mwangi wa Iria athitangiirwo ni mbunge ya Murang’a na iria ya muhagurire ikinya riria riatharario ni kamiti ya mbunge ya senate na iria yathikagiriria ciira wake.