MOSES KURIA KUREKIO NA BONDI YA CIRINGI MILLION IMWE

NOVEMBA 30- Mumbunge wa gatundu ya Muhuro Moses Kuria riu ni agiite na kanya ga kuhuhia riera ritari ithime thutha wa igoti

ria Milimani kumurekereria na bondi ya muigana wa ciringi million imwe.

Kuria arekirio rucii-ini rwa umuthi riria egwikinyitie mbere ya igoti gwitika thitango kuria akoretwo ahingiirwo ceceni-ini ya borithi kuuma muthi wa keri kiumia kihituku undu uria wacungiriirio ni ruhonge rwa magoti kwanirira kuhinga magoti kuumana na icera ria Baba Mutheru Francis na uria wari guku bururi-ini kiumia kihituku.

Kuria athitangiirwo thitango ya gucogera ngui na kuria mbeu njithi kuuma gichigo giake kia umbunge makorwo magicehanga mundu owothee wareganaga na tabarira ya mbeu njithi rungu rwa NYS thitango riria mutongoria wa thitango cia muingi Keriako Tobiko ahitukirie gukorwo ari na uira muiganu wa guthitanga Kuria.