Novemba 30-Baba
mutheru Francis nioritie etikia a ndini ya ithiramu na akristiano gwithemana na
rumena gatagati wao.
Pope
Francis ahoete uiguwano uyu riria egucereete muthigiti-ini wa Koudoukou
mucii-ini munene wa Bangui
bururi-ini
wa CAR na uria ukoretwo ugumiirwo ni ngahiha gwa kahinda karaya. Iceera thiini
wa muthigiti uyu nirio ritirihiire icera ria Baba Mutheru gitaro-ini kia Africa
kuria andu aingi bururi-ini uyu mekwiyumiritie na njira nene ndeere-ini cia
bara bara kumukunguira. Thutha wa gucemania na atongoria a ndini ya giithiramu
baba mutheru ni acokiire acera gichagi-ini kimwe na kiria kiriganiitie na
muthigiti uyu.
Hindi
ya icera bururi-ini uyu wa Central Africa Republic Pope Francis ni ahinyiriirie
kugacirithio kwa urumwe gatagati ka akristu na ithiramu akiuuga ithuothe turi
andu a nyina umwe. Bururi uyu ukoretwo ugumiirwo ni mbaara kwa ihinda ria mieri
miingi mihituku kuria arumiriri a githiiramu marakorirwo magikinyia thiini wa
igongona ria mitha kiharo-ini kia Barthelemy Boganda Stadium mehumbiite T-shirt
cirri na mbica ya Pope Francis undu uria wonanitie gukorwo ari mweneni wa thayu
na uiguwano gatagati ka aithiramu na akristiano.
No comments:
Post a Comment