MCAs A MBUNGE YA COUNTY YA MURANG'A GUTHUTHURIO NI EACC

MCA A MBUNGE YA MURANG'A MARI KIGOMANO NA ANDIKI A MOHORO

Kamiti ya kuhurana na ungumania guku bururi-ini EACC ni irathuthuria ambunge a mbunge ya county ya Murang’a 49
ni kiria maugiite ati nimakoretwo makihuthira waara niguo kwigaira kigina kia muingi. Kuringana na marua maria mandikiirwo Clerk wa mbunge ya county ya Murang’a Chris kinyanjui ni kamiti ya EACC MCAs aya mambiriirie kuhungwo mahuri wabici-ini nene cia EACC  mwena wa Nyeri tariki 25/01/2016 na kuria kuhungwo mahuri guku gugutirihagwo umuthi tariki 03/02/2016.

Makiaria na andiki a mohoro mari mwako-ini wa mbunge-ino MCAs aya nimareganiite na uhoro ati nimaungumiitie makiria ma ciringi 60 millioni na iria mabatie kuhuthira na thabari cia nja wa bururi mabururi-ini ma Netherland, Rwanda na Tanzania no iria citacokire gukinyanira. Munini wa speaker wa mbunge ya Murang’a Moses Gachui ni areganiite na gukuruhanio kwa MCA na ngukumio akiuga ni kwenjerwo marenjerwo. Hamwe na aria mahungiitwo mahuri ni aruti wira 24 a mbunge ya county ya Murang’a na mwandiki umwe wa mohoro.

Nditimurano-ino yukiite ciumia igiri tu thutha wa governor wa county ya Murang’a Mwangi wa Iria kuhithukirwo ni maabithaa a utuiria a kamiti ya EACC ari gwake mucii mwena wa Gatanga.