Mundurume umwe na uria urekuirwo
kwandikira ndumiriri nini cia wendo kuri mwandiki wa mohoro kuuma county ya
Murang’a ni akinyirio mbere ya igoti ria Murang’a
na ahingurirwo thitango ya
uhuthiri muuru wa thimu.
Geoffrey Mburu na uria urakoretwo
ari murutani thukuru-ini umwe mwena wa Kirwara akinyirio mbere ya mucirithania
Athony Mwicigi na kuria areganiire na thitango iyo na arekererio na bondi ya
muigana wa ciringi ngiri 200,000 na murugamiriri wa muigana ota ucio.
Mburu na uria ni wa kuuma itura ria
Githioro Gatanga arahithukiirwo ni andiki a mohoro na maabithaa aborithi cia
utuiria muthi wa ira miaraho thutha wake kwarahuka na kwambirira gutumira
Victor Kinuthia na uria urutaga wira na ceceni ya Inooro county ya Murang’a
ndumiriri cia wendo na iria ciratumiire Kinuthia ekuiire Mburu ni mundurume wa
gikundi kia andu aria monanaga kimwiri kia Hura umwe.
Ona thengia ya Kinuthia gukorwo
akaniitie Mburu gwa kahinda karaya atige kumutumira ndumiriri icio Mburu ni
akoretwo agithii na mbere na gwika uguo undu uria uracungiriirie wee kumukinyukiria
ikinya ria kiwatho. Wendo wa Hura umwe ni ukoretwo wambatiire na ikiro cia
iguru ona thengia ya kanitha guorwo irugamiite na murugamo umwe wa kuregana na
mutugo uyu gugituika ni mugiro.
Kuringana na muthuri na uria
urakurikana ta James Kiroko kuuma itura ria Kangunu, Kangema augiite andu a
hura umwe kuhikania ni mugiro kuringana na unduire wa mugikuyu na gukumithia
andu aria mangikorwo mari na mitugo ino akiuga mabatie kuohwo na matharara na
gucoka guikio mwatu ta uria mugikuyu ekaga hau kabere kwona ahota kurehera
ruriri kimuuki. Oho Kiroko niacakiite kwona mwanake uyu ni murutani na kuuga
ndabatie kwihokerwo ciana cia tuhii kwona ciiko ici niciambatiire mathukuru-ini
ma muingi.
No comments:
Post a Comment