ARUTWO 2000 KUGUNIKA NA MUTARATARA WA WINGS TO FLY

Manager wa bengi ya Equity Ruhonge rwa Murang'a Benson Mbugua akirekereria ciana 15 na Iria cigunikiite kuuma Murang'a East

Arutwo 15 nio magunikiite na mubango wa kurihirwo fiithi kuuma sub-county ya Murang’a rungu rwa mutaratara wa Wings to Fly na uria urumbuyagio ni bengi ya Equity. Makiaria hindi ya igongona ria kurekererio kwerekera kigomano-ini gia guutarwo gia thiku ithatu kiharo-ini kia Kasarani amwe a arutwo aya ni macokeirie Equity Foundation Ngatho makiuga nimonete nima iroto ciao nicigukorwo cigikinyanira kuria moritie aruna ao na aria maumiite micii iri na ukia matigate mwihoko no indi mekire kiyo mathomo-ini mao.

Akiaria Hindi ya igongona riri murugamiriri munene wa bengi ya Equity ruhonge rwa Murang’a Benson Mbugua ni oritie aciari matigateyanirie uigiririki wao wa gutaara ciana amu kwona gutiri hindi mwana angigia na muciari ungi ona thengia yake guthomithio ni bengi ino. Mbugua augiite gukinyiria riu Equity Foundation na unyitaniri na Mastercard nimahotete guthomithia ciana makiria ma 2000 kuuma bururi-ini woothe.