GICHAGI KIA MJINI MURANG'A KUGUNIKA NA CIORO CIA MBOMBO

MURUGAMIRIRI MUNENE WA KAMBUNI YA MUWASCO  ENG. DANIEL NG'ANG'A AKINYABARA WAKI WA CIORO CIA MBOMBO GICHAGI-INI KIA MJINI MURANG'A.

Itemi-ini ria kugacirithia miikariire na ugima wa mwiri wa muingi uria uikaraga gichagi-ini kia Mjini town-ini ya Murang’a, kambuni ya motungata ma mai ya MUWASCO ni yakiire aikari a gichagi giki cioro makiria ma 200. Kuringana na murugamiriri munene wa kambuni-ino Eng. Daniel Ng’ang’a riria aranyabaraga waki wa cioro ici augiite matabanitie mubango uyu na uria urahuthirire muigana wa ciringi 6 million  niguo guteithiriria aikari a gichagi giki na aria maturaga miturire ya ukia kwona ni kihooto kiao gukorwo makiamukira motungata ma ikiro cia utheru oro undu umwe na mai matheru ma kunyua. Kambuni ya MUWASCO irakorirwo ikihe ene nyumba cia guikara na aria makiite cioro ici muigana wa ciringi 20,000 o kioro na kuria marathengeirio marihi ma kunyitithania cioro ici na mitherebi ya giko.

Akiaria na andiki a mohoro hindi ya icera gichagi-ini kiu mwene nyumba cia gukomborithia mutumia ti Alda Majdi augiite cioro ici ni cikumateithia na njira nene kwona gichagi giki ni kirakoretwo kigumiirwo ni mirimu miingi na iria yumanaga na giko muno kuharwo gwa ciana oro undu umwe na kumathengeria thoni na giconoko kinene kiria maracemanagia nakio riria magenerwo ni arata ao.