MUWASCO KURUGURIA MUTAMBO MWERU WA GUTHOMA METER CIA MAI

 

MURUGAMIRIRI MUNENE WA MUWASCO ENG. NG'ANG'A MARI NA COMMERCIAL MANAGER MR. MAINA HINDI YA KURUGURIA MUTAMBO WA SMART METER READING

Kambuni ya motungata ma mai Murang’a ya MUWASCO ni iruguriitie mutambo mweru wa guthoma mita cia mai niguo gutigirira ahuthiri a mai thiini wa Murang’a ni mamukira motungata makinyaniire. Kuringana na murugamiriri munene wa kambuni ino Eng. Daniel Nga’ng’a augiite mutambo uyu na uria urahuthira thimu na njira ya gutuma ndumiriri nini niyo sms niguteithiriria ahuthiri a mai gutuma na kuria ciuria cigiii mihuthirire ya mai na marihi na kwamukira macokio hauhau. Oho mutambo uyu ni ukuhotithia andu gutambura aruti wira a kambuni-ino niguo gwithemana na turia nime turia tukoretwo tugiitua aruti wira a kambuni-ino na muthia-ini gucoka kuiya metres cia mai. Niguo kwamukira utungata uyu urabatara gutuma ritwa MUWASCO riumiitwo thutha ni Account yaku ya mai niguo kumenya bill yako ni mbeca ciigana kuri 20880 kana ukienda kumenya

kana mundu ni muruti wa wira wa Muwasco utume namba yake ya wira iria iri kibandi-ini giake kia wira wambiitie na ritwa Muwasco kuri o 20880. Utungata ungi uria uraheyanwo kuhitukira mutambo uyu ni kuuria kiuria o giothe kigiii mai ona kana uthuthiri waku wa mai.

Akiairia hindi ya guthomithia andiki a mohoro iguru rigii uhuthiri wa mutambo uyu kigomano kiria kiratabanitio ni abithaa wa ukinyaniria kambuni-ino Jacob Mbuthia, Eng. Ng’ang’a augiite mutaratara uyu ndugukorow ugitigithia wira aruti a wira no indi ni ukuhuthika kunyabara mirutire yao ya wira muno makiria aria mehokeirwo guthoma metre akihinyiriria kuuga sms kuri 20880 iritumagwo tuhu hatari marihi.