MUTWARITHIA WA BODABODA GUCAGURWO TA DIRECTOR WA KTDA GITHAMBO

Arimi a machani kuuma ikumbi ria Githambo ni macaguriite mutwarithia wa nduthi kumarugamirira board-ini ya kuramata urimi na wendia wa Machani niyo KTDA.

John Karanu aracagurirwo ari ta Director wa ikumbi ria Githambo na kura 21,564 kuria arahotire uria urari muikariri giti  Anthony Gatimu. Simon Kairu nake aracagurwo ta muikariri giti.

Akiaria thutha wake gukindirwo na Director hindi ya mucemanio wa o mwaka Karanu augiite ni ehaririirie kuruirira mabataro ma murimi munini wa machani na muno makiria kwona maramucagurire na ngoro imwe mari na mwihoko ati ni egukorwo akimatetera. Oho ni augiite thengia yake ya gwika kambini ari ta mutwarithia wa bodaboda augiite ni ehaririirie kwonania ugiririki wake thiini wa utongoria. Giki nikio githurano kia mwanya kwona wa kahinda karaya iturwa ici cikoretwo cigicagurwo itanga na iria cikoragwo cihandiirwo arimi ni kambuni ya KTDA.