Thutha wa aciari gukaya
kuumana na kwambatira kwa fiithi ya mathukuru ma thekondari riu, anyiti itemi
ruhonge-ini rwa githomo ni maiguwaniire
kurihia fiithi iria njitikirie ni
thirikari hatari nyongerera oro yoothe.
Itua riri rikinyaniirio
thutha wa mucemanio gatagati ka CS ministry-ini ya githomo Fred Matiang’I,
atongoria a ciama cia gutetera arutani KNUT na KUPPET oro undu umwe na kiama
kia arutani anene a mathukuru ma muingi na kuria maiguwaniire kwaga kuigirira
aciari murigo uteri na njira.
Akiaria thutha wa mucemanio
ucio muikariri giti wa kiama kia KNUT Mudzo Nzili augiite nima kuri na arutani
aria marongereire fiithi na gatagati ga ciringi 2,000 na 5,000 niguo kuhingia
mabataro mangi ma thukuru no aria moririo meherie marihi hau.
Thukuru cirambirie
kuhingurwo muthi wa ira kuria aciari marakorirwo magiteta ni mathogora ma iguru
ma mabuku oro undu umwe na fithii na gutetera thirikari ikorwo ikiingirira na
kumateithiriria undu uria uracungiriirie mwandiki mukaru ministry-ini ya
githomo Belio Kipsang gwatha County Directors oothe a githomo makorwo
makineyana maritwa ma thukuru iria ciongereire fiithi mugaru na watho.
No comments:
Post a Comment