Dithemba-4 Thirikari ya
county ya Murang’a ni iheete kambuni ya motungata ma mai thiku 7 makorwo
maunaniire njungwa iguru rigii
mathogora ma mai maria makoretwo mambatiiire
na gicunji kinene muno.
Mucemanio
uyu wititio ni governor wa county ya Murang’a Mwangi wa Iria hindi ya
mururungano uria uratabanirio ni muingi wa town ya Murang’a magitongorio ni
mumbunge wa gichigo kia umbunge gia Kiharu wakiri Irungu Kang’ata mari na MCA
wa Ward ya Township Charles Karina Machigo.
Akiaria na
kirindi gia town MCA Machigo ni
atariirie Governor ati nimageretie njira ciothe cia kiwatho niguo kuhinyiriria
Muwasco kunyihia mathogoro ma mai na maria yongereire na gicunji kia makiria ma
100% undu ruia nao makoretwo makihuthira mbeca kunyamaria muingi wa Murang’a.
Governor wa
Iria ni augiite ati kanju ya magovernors ni yandikithiitie ciira igoti-ini
ikiendekithia thirikari cia county ciheywo motungata ma mai kwona iyo noyo
njira iria mangihota uteithia muingi niguo tukanyamario ni itanga iria
cikoretwo cikiramata mathogora maya hatiri gucaira muingi.
Oho Wairia
ni aramenereirie muikari umwe wa town ya Murang’a Boniface Chege na uria
wariire heheto niguo kunina ciira uria andikithiitie igoti-ini akiregana na
mathogora mau oro undu umwe na petition iria andikiire mbunge ya county ya
Murang’a ndeto ria cikoretwo cikiario town gugituika Chege ainukiria kimanjika
gia ciringi 500,000.
Riu mundu
uria urarihaga ciringi 330/- mbere ya mathogora kuhaica thaa ici arariha
ciringi 670/=
No comments:
Post a Comment