GOVERNOR WA IRIA KUUGA NDAHAKIRE SENATE

Governor wa County ya Murang’a Mwangi wa Iria ni areganiite na ndeto ati ni aheyaniire heheto ya muigana wa ciringi 80 Million kuri

amemba a kamiti ya mwanya ya mbunge ya senate na iria yamuthuthuragia oro undu umwe na masenators kahiri niguo mateyanirie itanya ria mbunge ya Murang’a ria kumuhagura.

Wa Iria augiite ati we ahitukiire magego-ini ma senate kwona ndaari na ucuke oro woothe kuria athiite na mbere kuuga mahoya ma muingi wa Murang’a nimo ma muhonorire.

Wa Iria areganiite na ndeto ino mbere ya uthiu wa mumbunge wa kwamurwo Isaak Mwaura na uria wiriga kwaria ceceni-ini imwe ya Radio na kuuga ati Wa Iria ni heheto aheyaniire niguo kwiruta thiini wa unyoroku wa giturwa kia governor wa Murang’a.

Kwirikanaga ati utuku wa gukia muthi wa kamiti ya mbunge gutua ciira wa kuhonora wa Iria arata na arumiriri a hakuhi a Mwangi wa Iria kuria ni hamwe na Contractors matiaraire toro makirogota na gucokaniriria kigina kiria giabataraga niguo makirwo makiungumia meciria na matua ma kamiti-ino mbere yayo gutemania maumirira mayo mbunge-ini ya Senate undu uria warakariirie masenators angi kuria ni hamwe na Senator Kembi Gitura wa Murang’a.