IBANDA CIA ONJORIA BARA BARA-INI YA GUTHII THIBITARI KUMOMORWO ORIRI KAHUA KERUITE

Onjoria a ibanda barabara-ini ya guthii thibitari nene ya Murang’a ni maranegena ni thirikari ya county ya Murang’a
kumathariria ibanda ciao oriri kahuwa kao keruuite mbere ya thiku ya krithimathi.

Onjoria aya maugiite ona thengia ya thirikari gukorwo niramburire ibanda ciao niguo imakiire njeru cia mabati undu uyu ni mwega no indi utabanitio kahinda karia gatagiiriire.

Akiaria na metha ya mohoro mwonjoria umwe na uria ukurikanaga ta Nau augiite thirikari ya Mwangi wa Iria ingiretereire mweri wa mambura wambe uthire niguo macooke mamakire weru kwona mweri uyu wa dithemba na muno makiria kiumia giki gia krithimathi niguo kahua kao gakoragwo kiruwiite na riu aguri ao marathii miena ingi kugura iratu na nguo kwona mareciiria ni kuingatwo maingatitwo. Gukiri uguo Nau ni augiite no meguthii na mbere kwenderia mihutiti-ini ya bara iyo metereire mabundi marikitie wira wao makihoka ibanda ici ni cigukorwo cirikiite mbere ya tariki 21/12/2015 niguo kumahotithia kwendia oana mahitia cia thiguku makenderia arutwo aria megukorwo magicoka thukuru kiambiriria-ini kia mweri wa January mwaka-ini twerekeire wa 2016.