INDO CIA MAKIRIA MA CIRINGI 120 MILLIONI CIA KPLC KUHITHURIO KABATI, MURANG'A

Maabithaa a borithi magitabania birigiceni mucii-ini umwe uria nyaya ciathitima cikoretwo cigitinangirio FlyOver Kabati

Maabithaa a borithi mwena wa Kabati nimahithukitie nyaya cia thitima na transformers cia makiria ma ciringi 120 million oro undu umwe na guikia ngono andu 15 na aria

marakuruhanio na thuguri ya nyaya cia thitima cia uici cia kambuni ya uheyani thitima ya Kenya Power. Kuringana munene wa maabithaa a borithi county-ini ya Murang’a Naomi Ichami maabithaa ake marahithukiire mucii umwe wi mita nini kuuma town ya Kabati na kuria thutha wao kuingira mucii-ini ucio na uria urarigiciirio na ruthingo rwa mahiga niguo marakorire ati kirari kiganda gia gutinangia nyaya cia thitima na transformers iria ciaywo kuuma gitaro gia gatagati ga bururi na ichigo ingi.

Akiaria ari thiini wa kiganda kiu kia ngungo murugamiriri wa ugitiri kambuni-ini ya KPLC gitaro kia Mt. Kenya Weldon Ng’etich augiite kambuni ino ni ikoretwo igithii hathara nene kuumana na uici uyu kuria mweri muhituku Gitaro kia Mt. Kenya giathiire hathara ya ciringi 90 Million. Ng’etich augiite uici ukoretwo ukigaciira kuumana na thuguri ya chuma nguru na uria ukoretwo wimwitikirie guku bururi-ini akiuga no bururi wa Kenya thiini wa gitaro kia Africa ya irathiro ukoretwo ukiendia chuma cia cikerembu mabururi-ini mana nja ona thengia ya Kenya gukorwo itari na utonga wa chuma cia kwenjwo. Gukiri uguo maabithaa aborithi maugiite ni maratabania uthuthuria niguo guikia ngono mwene mucii uyu na uria utarari kuo hindi ya birigiceni ino.