TSC KUIMA ARUTANI MUCAARA WA MWERI WA KENDA

Arutani guku bururi-ini nimaguthiitwo igutha ona thutha wao gukorwo na mwihoko munene wa kwamukira mucaara wa mieri iri mweri-ini uyu. Uu ni thutha wa kamiti ya kwandika arutani TSC kwaga kurekereria mucaara wa

mweri wa kenda ta uria ciama cia arutani maiguwaniire na TSC mbere ya mutongoria wa bururi kiambiriria-ini kia mweri uyu wa ikumi na umwe.

Oho igutha riri nirihutitie na njira nene ciama cia gutetera arutani cia KNUT na KUPPET thutha wa TSC kurega kurenga arutani njoherera iria marihaga ciama ici ari mweri wa gatatu kirumaniririo.

TSC yuugiite itacukiitie ikinya riri thutha wa arutani kwaga kuhingia uiguwano uria maiguwaniire wa kunina maciira moothe maria mandikithiitie igoti-ini mbere ya TSC itikiriite kumanira mucara wa mweri wa kenda oro undu umwe na kwandikanira uiguwano wa guthingatithia kugacirithia kwa micara na itina ria miaka ina.