THIBITARI YA KARATINA KUGUMIRWO NI UNYIHU WA ITANDA

Wagi wa itanda ni thiina umwe uria ugumiire thibitari nene ya Karatina county-ini ya Nyeri, uu ni kuringana na riboti iria itemanitio mbunge-ini ya county ya Nyeri ni kamiti ya ugima wa mwiri.

Kuringana na riboti ya kamiti-ino wodi cia thibitari-ino citiri na itanda njiganu na itanda iria cirri kuo cihurite gutu undu uria ukoretwo ukiiga ugima wa mwiri wa aruaru thibitari-ini ino ugwati-ini.

Riboti-ino ithiite na mbere kuuga thiina uyu ni ucungiriirie aruaru a mirimu itiganiite gutukanio thiini wa wodi undu uruia ni mugaruna watho wa kurigita aruaru kuria ciana na atumia makoragwo makirigitirwo na gukoma wodi-ini imwe.

Oho riboti-ino ni ihithuriitie ati ona thengia wa thibitari-ino gukorowo iri na manathi 112 no nathi umwe ukoretwo akiramata wodi ya ciana kuria ithiite na mbere na kuhithuria ati nginyagia thiini wa maternity gutikoretwo kuri na neti cia kurigiriria rwagi na kuiga hatika-ini miturire ya ciana ngenge na atumia aciari.

Gukiri uguo kamiti ya guthingatithia mawatho ya mbunge ino niyendekithiitie thirikari ya county ikorwo ikimurika weru ugaciru wa motungata niguo kuheyana motungata makinyaniru kuri aruaru na muingi uria urigitagirwo thibitari-ini ya Level 5 ya Karatina.