GOVERNOR WA IRIA KURIO AKUE MUTHARABA WAKE

SENATOR KEMBI GITURA KUURIA GOVERNOR WA IRIA AKUE MUTHARABA WAKE

GOVERNOR MWANGI WA IRIA AKIARIRIA MUNGI TOWN-INI YA MURANG'A THUTHA WA BIRIGICENI YA EACC

Atongoria a county ya Murang’a nimoritie Governor Mwangi wa Iria akuue mutharaba wake na atige gukuruhania birigicheni ya gwake mucii ni maabithaa a EACC

na uteti. Senator wa county ino Kembi wa Gitura ni oritie Wa Iria gutiya watho wa bururi akiuga ihinda ni ikinyu riria wa Iria abatie gukorwo akioya uigiririki wa gutariria uria ahuthiriite kigina gia county ya Murang’a na akamuria atige kumukuruhania na guthuthurio gwake. Akiaria thutha wa mucemanio wa ene matatu cia MUNA nyumba-ini ya micemanio ya Mother’s Union mumbunge wa Kigumo Jamleck Kamau ni oritie wa Iria atige kumukuruhania na mathiina maria makoretwo makimuma thutha amu kwona gikuu kia nugu giakinya miti yoothe no gutendera itenderaga.

WaIria ahithukiirwo gwake mucii ni maabithaa a EACC na kuria augiite ihuthukira riri riumaniite nake gukorwo matekuigwana na Senator Kembi Gitura kuria arumiriri ake mahithukiire maabitha aya na gucoka gwithara na maratathi maria mekurogotetwo kuuma muci ucio wake na uria uri mwena wa Gatanga.