MATHOGORA MA MAI GUTHII THI NA GICUNJI KIA 25% MURANG'A

 

Kambuni ya motungata ma mai ya MUWASCO niyugiite ati nigukorwo ikiguithia mathogora ma mai na gicunji kia 25%. Riboti-ino irekereiriio ni muikariri giti wa Board ino Peter Munga hindi ya mucemanio wa arugamiriri a kambuni–ino na anyiti itemi kuuma ichigo iria ciamukagira motungata ma kambuni-ino. Kahinda-ini okau Munga ni aniriire ati kambuni ino nigukorwo igiaka thukuru waguthomithania kothi cia mai thukuru uria augiite niuguteithiriria kambuni ino hari kurogota mbeca cia kumateithiriria kuriikia mabataro mao ma omuthenya. Muwasco itacukitie ikinya riri thutha wa muingi wa Murang’a kwiyumiria na kururungana ukiregana na nyongerera njeru cia mathogora ma mai makiuga kambuni ino nikoretwo ikihinyiriria muingi.