IKUNDI CIA MBEU NJITHI KUGAYANA THIGUKU YA KIRITHIMATHI NA AKURU NA CIANA CIA NDIGWA

 

Amemba a gikundi kia whatsapp kia FRIENDS FOR GOOD mari mucii wa akuru wa Thogoto

A Chosen Generation Young at Heart hindi ya icera riao mucii-ini wa ciana cia Ndigwa wa Murang'a Rescue Centre

Amwe a amemba a Friends For Good aria mekinyiitie mucii-ini wa akuru wa Thogoto

Hindi ya icera ciake guku bururi-ini Baba Mutheru Francis niakorirwo akiuria akristiano makorwo magituga na guthaitira andu aria akia na akuru thiini wa matura maitu na ikiro

ciatha. Gukiri uguo ciumia igiri mbere ya gukunguira thiguku ya guciarwo kwa mwathani witu Jesu Kristu ikundi citiganiite ni ciambitie gutuga ciana cia ndigwa na akuru kuria gikundi kia Friends For Good na kiria gikuruhanitie arata makiria a 70 kuhitukira mutambo wa ukinyaniria wa Whatsapp nigitugiite mucii wa akuru wa Thogoto na iria na miringiti ya kwigitira heho. Akiaria na metha ya mohoro ya K K ONLINE NEWS Joshua wa Macharia na uria ni memba thiini wa ngurubu ino ya FRIENDS FOR GOOD augiite ni undu wa mwanya kwona aingi a amemba a ngurubu ino matiri monana imwe kwa imwe no nimakoragwo magituma uteithio wao mategwitikira kuri Nancy Nyoiyo kuhitukira mutambo wa MPESA undu uria augiite ngurubu ino ituritio ni kwihokona kwona icera ria ria muciii wa akuru wa Thogoto ni riakorirwo cikiungania makiria ma ciringi 110,000. Kungi nakuo gikundi kia mbeu njithi kuuma Murang’a na kiria gikurikana ta CHOSEN GENERATION YOUNG AT HEART nimacereire muciii wa ciana cia ndigwa wa Murang’a Rescue Centre kuria makorirwo magituga ciana cia ndigwa mucii-ini uyu na iheyo itiganiite kuria ni hamwe na kumahurira nguo, kumathambiria indo oro undu umwe na kuhe ciana ngenge irio na gucithambia. Kuringana na Susan MutuaUhoro na uria ni umwe wa aria macerate mucii-ini uyu wa Murang’a Rescue Centre erite K K Online News mucii uyu uri na ciana kuuma cia ukuru wa mieri 3 nginyagia aritu na anake agima na aria mateirwo ni aciari ao na makimagathika ritwa ciana cia Ndigwa. Mwena-ini wake John Waciama kuuma bururi-ini wa America na uria uri icera guku burui-ini ni atugiite akuru kuuma itura ria Ndikwe Murang'a na thiguku kuria augiite akoretwo agikiika uguo gwa kahinda ka miaka 3 ona gutuika arakogwo agituma ueithio kuhitukira andu angi undu uria araugiire nonginyagia mwaka uyu ekinyie guku bururi-ini niguo akorwo akirianira na akuru aya na aria marerire aciari aitu na wirutiri munene niguo gutigirira ni matukinyaniria haria turi muthenya wa umuthi. Waciama akoragwo ari muhuri biashara mwena wa Texas bururi-ini wa USA.